Tacikistan Əfqanıstanla sərhəddə yaranan vəziyyətlə bağlı kömək üçün Kollektiv Təhlükəsizlik Müqaviləsi Təşkilatı (KTMT) üzrə tərəfdaşlarına müraciət edib.
“Yeni Gündəm” “RİA Novosti”yə istinadən xəbər verir ki, Tacikistanın KTMT üzrə dövlət nümayəndəsi Həsən Sultanovun təşkilatın Daimi Şurasının iclasında səsləndirdiyi fikirlərə görə, Tacikistan vəziyyətin nəzarət altında saxlanılması, Əfqanıstan tərəfdən gələn təhdid və təhlükələrin qarşısının alınması üçün vacib tədbirlər görür.
Onun sözlərinə görə, bu kontekstdə “Tacik-əfqan sərhədinin gücləndirilməsində Tacikistan Respublikasına kömək göstərilməsi haqqında” Kollektiv Təhlükəsizlik Şurasının 2013-cü il 23 sentyabr tarixli qərarının icrasını təmin etmək aktual məsələ olaraq qalır. O, bu səbəbdən təşkilatın üzv dövlətlərini adı çəkilən sənədin icrası üçün öz tövhələrini verməyə çağırıb.