Azərbaycanın əksər bölgələrinə olduğu kimi, Lənkərana da qar yağıb.
Qayanrinfo-nun məlumatına görə, yağan qar Lənkəranın şəhər, qəsəbə və kəndlərində yolları iflic vəziyyətə salıb.
13 yanvar tarixindən bu günə kimi Lənkəranda bir çox kəndlərlə şəhər arasında əlaqə kəsilib. Əksər yollar qar örtüyündən təmizlənmir.
İnsanlar Lənkəran Rayon İcra Hakimiyyəti Taleh Qaraşovun fəaliyyətindən narazılıqlarını açıq şəkildə dilə gətirirlər. Vətəndaşlar İcra Hakimiyyəti və aidiyyatı qurumların təbiət hadisəsinin yaratdığı problemlərə öncədən hazırlaşmamasından narazılıqlarını ifadə edirlər.
Amma bir çox kənd və qəsəbələrdə yollar qar örtüyündən hələ də bağlı olaraq qalır. Xəstələr təcili yardım avtomobili ilə xəstəxanalara çatdırıla bilmir. İnsanlar bütün bu problemlərin səbəbini Taleh Qaraşov və İcra Hakimiyyətuində görür…
