Paytaxt Tbilisidə “Mişaya azadlıq” şüarı altında keçirilən genişmiqyaslı aksiya insidentsiz başa çatıb.
“Yeni Gündəm”in məlumatına görə, aksiya dövlət himninin oxunması ilə yekun vurulub. 4 saata yaxın davam edən aksiyada paytaxt və regionlardan on minlərlə insan iştirak edib. Sonda çıxış edən Vahid Milli Hərəkat Partiyasının sədri Nika Meliya deyib ki, Mixeil Saakaşvili azadlığa buraxılmayana qədər mübarizə dayandırılmayacaq: “Bidzina İvanişviliyə demək istəyirəm ki, biz zarafat etmirik. Həyatımız bahasına olsa da geriyə addım atmayacağıq”, – deyə N. Melia bildirib.
