Nəsimi rayonu ərazisində elektrik enerjisinin təchizatında yaranan nasazlıq səbəbindən Azərbaycan Tibb Universitetinin Tədris Cərrahiyyə Klinikasında elektrik enerjisinin verilməsində bir neçə dəqiqəlik lokal fasilə yaranıb.
ATU-nun Tədris Cərrahiyyə Klinikasından “Yeni Gundem”-ə verilən məlumata görə, dərhal generatorların işə salınması nəticəsində elektrik enerjisinin verilməsi bərpa olunub.
Qeyd edək ki, elektrik enerjisinin təchizatında yaranan fasilə klinikanın reanimasiya və digər müalicə şöbələrini əhatə etməyib.
