ABŞ-da keçirilən prezident seçkilərində rəqibi Co Baydenə məğlub olan Donald Tramp Ağ Evlə vidalaşır.
“Yeni Gündəm” xəbər verir ki, o, birinci xanım Melaniya Trampla Vaşinqtondan Floridaya köçəcək.
20 yanvarda baş tutacaq inauqurasiya mərasimindən sonra Ağ Evin yeni sahibləri Co Bayden və xanımı Cill Bayden olacaq.
Tramp cütlüyü isə Palma sahillərindəki Mar-a-Lago adlı köşkə yerləşəcəklər. Melaniya 14 yaşlı oğlu Barronu evə sadəcə 40 dəqiqəlik məsafədə yerləşən “Pine Crest” özəl məktəbinə yazdırıb. Təhsil müəssisəsinin illik qiyməti 35 min 150 dollardır.
