“Mən ümid edirəm ki, qalib ordunun yüksəkliklərdə xidmət edən hərbçilərinə ikiqat ödəmələrin verilməsi davam etdiriləcək”.
“Yeni Gündəm” xəbər verir ki, bunu deputat Zahid Oruc parlamentin yaz sessiyasının ilk plenar iclasında çıxış edərkən deyib.
O, həmçinin azad edilmiş ərazilərdə memorial komplekslər yaradılacağına ümidvar olduğunu vurğulayıb: “Biz əldə etdiyimiz qələbəni bundan sonra da qorumalıyıq”.
Qeyd edək ki, Vətən Müharibəsindən sonra ikiqat ödəmə alan hərbçilərin əməkhaqqı azaldılmışdı. Maliyyə Nazirliyi isə məsələ ilə bağlı açıqlamasında Müdafiə Nazirliyi ilə birlikdə ikiqat pul təminatı ilə əhatə olunacaq hərbi qulluqçuların sayının dəqiqləşdirildiyini bildirmişdi.
