Ümrə ziyarətində olan Xuraman Şuşalı: “Pul ödəyib gəlmişəm, ibadət etməliyəm” – VİDEObackend

Müğənni Xuraman Şuşalı bir neçə gündür Səudiyyə Ərəbistanına Ümrə ziyarətinə yollanıb.

Hazırda Mədinə şəhərində olan sənətçi günün çoxunu dua etməklə keçirdiyini bildirib. O bu haqda sosial şəbəkədə məlumat verib. Xuraman evdə olduğu vaxtlarda ziyarətdəki qədər dua etmədiyi üçün özünü xeyli qınayıb:

“Cəmi 5 dəqiqəlik video paylaşıram. Daha çox ibadətlə məşğulam. Hazırda əlimdə kitab oxuyuram. Oxuya-oxuya öz-özümə fikirləşirəm ki, niyə mən evdə bu qədər ibadət etmirəm? Niyə mən evdə vaxtımı instaqrama, tiktoka sərf edirəm? Yaxud da hansısa seriala baxıram. Adi adamlar var, verilişlərə baxırlar ya da hansısa verilişi öz həyatlarında yaşayırlar. O qədər ona köklənirlər ki…

Növbəti həftəni gözləyirlər ki, vaxt gəlsin, yenə bu verilişə baxsınlar, görsünlər, necə oldu?  Bura müəyyən pul məbləği ödəyib gəlmişəm. Fikirləşirəm ki, gəldiyimə görə ibadət etməliyəm. Vaxtımı gözəl keçirməliyəm. Axı bu vaxt həmişə mənimdir. Yenə də ziyarətə gələndə dua etdiyimiz qədər evdə etmirik. Allah bizi bağışlasın. Sadəcə içimdən gəldi bu vidoenu çəkim, sizinlə paylaşım”.

Baku.ws