Xaçmazda bu vəzifədə niyə heç kim işləmək istəmir – ƏTRAFLI/FOTOLARbackend

Xaçmazda şəhər meri vəzifəsinə son 18 ayda 4 təyinat olub. Amma nədənsə o vəzifəyə təyin edilən məmurların heç birinə bir neçə aydan artıq işləmək qismət olmayıb.

Xaçmaz RİH başçısının Xaçmaz şəhər İƏD üzrə nümayəndəliyi vəzifəsi artıq rayonda arzuolunmaz bir vəzifəyə çevrilib.

7times.az xəbər verir ki, icra başçısı Elnur Rzayevin təyinatından bir neçə ay əvvəl sələfi Şəmsəddin Xanbabayev  tərəfindən şəhərə mer teyin edilən Ramin Əzizov 2019-cu ilin noyabr ayında naməlum səbəblərdən vəzifəsindən uzaqlaşıb. Ondan sonra MER vəzifəsinə gətiriləın Tehran Laçınov adlı şəxsin bu postdakı xidmət müddəti də bir neçə aydan artıq olmayıb. Daha sonra icra başçısı Elnur Rzayev mer vəzifəsinə İlham Həsənov adlı şəxsi təyin edib. 2019-cu ilin avqust ayında bu posta gətirilən İlham Həsənovun da aqibəti ondan əvvəl o vəzifəyə təyin edilən məmurların aqibətindən fərqlənməyib. O 6 ayın sonunda öz ərizəsi ilə tutduğu vəzifədən uzaqlaşıb.

Boş qalan mer vəzifəsinə bu dəfə Emin Ağayev adlı şəxs təyin edilib. Qeyd edək ki, o bundan əvvəl Xaçmaz RİH-də şöbə müdirinin müavini vəzifəsində çalışıb.

Cəlal Fərzəliyev

7times.az