Keçmiş deputat Xanlar Fətiyevin Almaniyadakı şirkətlərindən biri ləğv olunub.
“Yeni Gundem”-in xəbərinə görə, bu barədə araşdırmaçı jurnalist Cavanşir Həsənli məlumat yayıb.
“2010-cu ildə Ştuttqartda qeydiyyatdan keçmiş, daha sonra Berlində fəaliyyətini davam etdirmiş AZNUR TRAVEL GMBH bu il martın sonunda qeydiyyatdan çıxarılıb. Şirkət adından da göründüyü kimi turizm sektorunda fəaliyyət göstərib. İndi məlum olur ki, hələ 2019-cu ildə Xanlar Fətiyevin Berlindəki “Brasileiro” restoranı onunla bağlı geniş araşdırmamı təqdim edəndən dərhal sonra birdəfəlik qapadılmışdır” – o qeyd edib.
