YAP-a rəhbər şəxslər təyin olundu – Sərəncambackend

Yeni Azərbaycan Partiyasının yeni Nizamnaməsinə uyğun olaraq, Partiyanın sədri İlham Əliyev bir neçə təyinat həyata keçirib.

“Yeni Gündəm” xəbər verir ki, dövlət başçısının sərəncamı ilə Mehriban Əliyeva partiya sədrinin birinci müavini, Əli Əhmədov partiya sədrinin müavini, Tahir Budaqov partiya sədrinin müavini – Mərkəzi Aparatın rəhbəri təyin edilib.

Qeyd edək ki, yeni struktur islahatlarına əsasən, YAP-da İcra katibliyi Mərkəzi Aparatla əvəzlənib. YAP-ın icra katibi Əli Əhmədovun yerinə, həmin səlahiyyətləri Tahir Budaqov həyata keçirəcək.

Əlavə edək ki, Mərkəzi Aparatın rəhbəri T. Budaqov Dövlət Statistika Komitəsinin sədridir. 1965- ci il təvəllüdlü komitə sədri sözügedən vəzifəni 6 ildir ki icra edir. O, 1999-cu ildən YAP Siyasi Şurasının üzvü olub.