Azərbaycan “Zəngəzur dəhlizi” çərçivəsində öz ərazisində lazımi infrastrukturun yaradılması istiqamətində işləri davam etdirir.
“Yeni Gundem” xəbər verir ki, bu sözləri Azərbaycanın Baş Naziri Əli Əsədov Milli Məclisdə Nazirlər Kabinetinin 2022-ci ildə fəaliyyəti haqqında hesabatın təqdimatı zamanı bildirib.
“44 günlük Vətən Müharibəsində qazanılan qələbədən sonra rayonumuzda nəqliyyat-kommunikasiya layihələrinin inkişafı üçün yeni imkanlar yaranıb. Bu kontekstdə yeni beynəlxalq və regional nəqliyyat və logistika dəhlizlərinin, xüsusilə də Zəngəzur dəhlizinin açılması böyük əhəmiyyət kəsb edir. Azərbaycan Zəngəzur dəhlizi çərçivəsində öz ərazisində lazımi infrastrukturun yaradılması istiqamətində işləri davam etdirir. Horadiz-Ağbənd dəmir yolunun tikintisi üzrə işlər 38 faiz, Horadiz-Cəbrayıl-Zəngilan-Ağbənd avtomobil yolunda isə 74 faiz yerinə yetirilib. Hər iki yolun tikintisi 2024-cü ildə başa çatacaq”-deyə Baş Nazir qeyd edib.
