Xalq artisti Aygün Kazımova və meyxanaçı Namiq Qaraçuxurlu yenidən bir araya gəlib. Cütlük Rusiyada baş tutan toylardan birinə qatılıb.
Moskvadakı məclisdə müğənni Samir Piriyev də iştirak edib. O, keçmiş duet ortaqları ilə şəkil çəkdirərək instaqram səhifəsində paylaşıb.
Qeyd edək ki, cütlük arasında ən son 2017-ci ilin əvvəlində qalmaqal yaşanmışdı. Aygün demişdi ki, ayrıldıqdan sonra Namiq bağını əlindən alıb. Meyxanaçı isə Kazımovanın ona şər atdığını demişdi.
Xatırladaq ki, ötən ilin sentyabrında isə toyda duet oxuyarkən videosu yayılan cütlüyün məcburən bir araya gəldiyi iddia edilmişdi.
Belə ki, Rusiyada toya dəvət alan iki məşhura duet oxumaları təklif olunmuşdu. Lakin Kazımova Namiqlə bir səhnəyə çıxmaqdan imtina etmişdi. Daha sonra onlar toy sahibinin xahişi ilə bir araya gəlmişdi. (Qafqazinfo”)
