Show Production-nun layihəsi olan “Azərbaycan Gözəli-2021” gözəllik yarışmasının final gecəsi təşkil olundu. Layihə rəhbəri Cavid Zamanlı saytımıza bildirdi ki : “Azərbaycan Gözəli” yarışması artıq on ilə yaxındır ki, Show Production tərəfindən təşkil olunur.
Bu il ki, yarışmada otuz iki xanım iştirak edirdi, onlardan on bir xanım iştirakçı finala vəsiqə qazanmışdır. Yarışma iştirakçıları 16-35 arası olan Azərbaycan xanımları idi. Final gecəsi olduqca maraqlı keçdi, belə ki, Nicat Həsənzadənin aparıcılığı ilə keçən gecədə həm bir çox tanınmış simalar iştirak edirdi, həmdə iştirakçılar özünəməxsus çıxışları ilə hər kəsin marağına səbəb olmuşdur. İştirakçı xanımlar bir neçə fərqli geyimlərdə münsiflərin qarşısına çıxdılar. Onu da xüsusi qeyd etməliyəm ki, final gecəsində qaliblər yalnız münsifələrin qərarları ilə deyil, həm də tədbirdə iştirak edən tamaşaçıların verdiyi səslərə görə müəyyən olundu.” Cavid Zamanlı daha sonra qeyd etdi ki: “gecədə iştirak edən tanınmış simalara tərəfimizdən “Best Fashion Awards” mükafatı da təqdim olundu.”
“Azərbaycan Gözəli-2021” Milli Gözəllik yarışmasının qalibləri aşağıdakılardır:
I yerin qalibi Talya Əliyeva
II yer Günay Gözəli
II yer Afaq İsmayılzadə
IIl yer Məryəm Hüseynova
III Nuranə Rəhimova
Qeyd edək ki, layihənin informasiya dəstəyi Showbiz.az, Big.az, Yenigundem.az saytlarına məxsusdur.
