Azərbaycan və Gürcüstan arasında münasibətlər yüksələn dinamika ilə inkişaf edir. Azərbaycan-Gürcüstan mehriban qonşuluq, dostluq və qardaşlıq içində yaşayan ölkələrdir. Eyni zamanda Azərbaycan və Gürcüstan strateji tərəfdaşdılar.
Bu sözləri “Yeni Gundem”-ə açıqlamasında Milli Məclisin deputatı Cavid Osmanov bildirib.
Millət vəkili vurğulayıb ki, Azərbaycan və Gürcüstan hər zaman bir-birinin ərazi bütövlüyünə hörmət edən və bir-birinin ərazi bütövlüyünü dəstəkləyən ölkələrdir.
“Beynəlxalq təşkilatlar səviyyəsində də öz maraqlarına dəstək verən dövlətlərdir. Gürcüstan ərazisindən Azərbaycanın mega lahiyələri keçir. Onlar arasında Bakı-Tbilisi-Qars dəmir yolunu qeyd etmək olar. Eyni zamanda Cənub Qaz dəhlizi, Bakı-Tbilisi-Ceyhan kimi böyük neft-qaz kəmərləri keçir. Azərbaycan -Gürcüstan əlaqələri qarşılıqlı hörmət, mehriban dostluq və strateji tərəfdaşlıq üzərində qurulub. İki ölkə rəhbərlərinin qarşılıqlı müntəzəm səfərləri bir daha onu göstərir ki, iki ölkə arasında münasibətlər daha da möhkəm və genişlənir”,- deyə o qeyd edib.
Fərahim Rəhimov
