Azərbaycanın cənub bölgəsində 5 maqnitudada qeydə alınmış zəlzələ altı rayonda 4 bal gücündə hiss olunub.
“Yeni Gundem” xəbər verir ki, bu barədə Seysmoloji Xidmət Mərkəzindən bildirilib.
“Zəlzələlərin tədqiqatı bürosunun məlumatına əsasən Lerik stansiyasından 27 km şərqdə Lerik rayonunda zəlzələ qeydə alınmışdır. Zəlzələ episentrdə 5 bala yaxın, ətraf rayonlarda Lerik, Lənkəran, Astara, Yardımlı, Masallı, Cəlilabad rayonlarında 4 bal, digər rayonlarda 3 bal gücündə hiss olunmuşdur”, – məlumatda qeyd olunub.
***
08:06
Azərbaycanın cənub bölgəsində 5 maqnitudalı (ML) zəlzələ olub.
“Yeni Gundem” xəbər verir ki, bu barədə Seysmoloji Xidmət Mərkəzindən məlumat verilib.
“Talış Dağlıq zonasında zəlzələ qeydə alınmışdır”, – məlumatda qeyd olunub.
Yeraltı təkanların yerli vaxtla saat 07:43-də qeydə alındığı diqqətə çatdırılıb.
