Xalq artisti Tünzalə Ağayeva cəbhədə baş verənlərə münasibət bildirib.
“Yeni Gündəm” xəbər verir ki, Tünzalə Ağayeva İnstaqramda hekayə bölümündə video paylaşaraq bu sözləri qeyd edib:
“Çox dəyərli xalqımız, neçə gündür bilirsiniz ki, Azərbaycanda internet yox dərcəsindədir. Bu, çox düzgün yoldur. Sosial mediadan uzaqlaşmışam. Amma ürəyim, qəlbim, bütün dualarım şanlı ordumuzun yanındadır.
Allahdan əsgərlərimizə yollarının açıq olmasını diləyirəm. İnşallah, üçrəngli bayrağımız Şuşada, Xankədində sancılacaq. Bayrağımız Qarabağın hər küncündə ucalacaq.
İşğalçı erməni tezliklə torpaqlarımızdan rədd olsun və təslim olub, çıxıb getsin. Əsas odur ki, bundan sonra əsgərlərimizin qanı tökülməsin. Şəhidlərimizin qanı yerdə qalmayacaq”.
