Bakı Dövlət Universitetinin Tələbə Gənclər Təşkilatı tələbələr arasında xarici dil biliklərinin inkişaf etdirilməsi istiqamətində açıq havada təlimlərə başlayıb. İlk təlim alman dili üzrə keçirilib.
“Yeni Gündəm” xəbər verir ki, təlimin məqsədi tələbələrin alman dilində danışıq səriştəsinin artırılması, bacarıqlarının təkmiləşdirilməsi, əldə etdikləri dil biliklərin inkişaf etdirilməsidir. Təlimin ilk günündə təlimçi – Filologiya fakültəsinin III kurs tələbəsi Murad Məmmədov təlim iştirakçılarına alman dilinin qrammatikası, gündəlik danışıqda ən çox istifadə edilən sözlər haqqında məlumat verib. Tələbələrin alman dilinin qrammmatikası, yeni sözlərlə bağlı suallarını cavablandırıb.
Qeyd edək ki, təlimlərin həftədə iki dəfə olmaqla müxtəlif dillər üzrə davamlı şəkildə həyata keçirilməsi nəzərdə tutulub.
