Bu gün Bakı Dövlət Universitetinin (BDU) rektoru Elçin Babayevin doğum günüdür.
Cəmiyyətdə böyük nüfuz sahibi, səmimi, dəyərli, sadə, təvazökar, vətənpərvər bir insan kimi tanınan Elçin Babayevin 57 yaşı tamam olur.
“Yeni Gündəm” in məlumatına görə, Elçin Səfəralı oğlu Babayev 4 aprel 1965-ci ildə Naxçıvanda doğulub. 1996-1997-ci illərdə Azərbaycan Dövlət Pedaqoji Universitetində, 1998-1999-cu illərdə Bakı Dövlət Universitetində, 1996-1999-cu illərdə Əmək və Sosial Münasibətlər Akademiyasında, 1995-2009-cu illərdə 289 nömrəli məktəb – “Zəngi” liseyində, Azərbaycan Respublikasının Prezidenti yanına Dövlət İdarəçilik Akademiyasında, Elmin inkişafı fondu, Rəhbər Dövlət İdarəçiliyi Kadrlarının İxtisasının Artırılması İnstitutunda və Rəhbər kadrların fasiləsiz təhsil mərkəzinin qısamüddətli ixtisasartırma kurslarında pedaqoji fəaliyyət göstərib.
E.Babayev 2005-ci il sentyabr ayında “Tərəqqi” medalı ilə təltif edilmiş, 2019-cu il martın 11-də Bakı Dövlət Universitetinin rektoru vəzifəsinə təyin olunmuşdur.
“Gündəm Media” Group adından Elçin Babayevi səmimi qəlbdən təbrik edir, ona uzun ömür, möhkəm can sağlığı arzulayırıq.
