“CinemaPlus”da “Kafalar karışıq” filminin nümayişi keçirilib.
“Yenigundem” xəbər verir ki, “28 Mall” TM-də yerləşən “CinemaPlus” premium kinoteatrında “Kafalar karışıq” türk komediya filminin mətbuat nümayəndələri uçün nümayişi keçirilmişdir.
Xüsusi maraqlı bir fakt odur ki, baş rol ifaçıları olan məşhur türk vaynerlər öz obrazlarını əks etdirmişdirlər.
Filmin rejissoru: Yücel Yolcu. Baş rollarda: Atakan Özyurt, Bilal Hancı, Fatih Yasin, Metin Akpınar və Feride Hilal Akin.
Film haqqında qısa məlumat: Atakan varlı bir ailənin qızı olan Buseyə aşiqdir. Evlənmələrinə tək mane isə Busənin babasıdır. Atakan da Buse ilə evlənmək üçün tək çarə olaraq Busenin illər əvvəl itkin düşmüş atasını tapmağa qərar verir. Keçmiş dostlar Fatih və Bilal da, əlbəttə, bu macərada Atakana yoldaşlıq edəcəklər. Kafalar axtarışları nəticəsində Antalya yollarına düşəcəklər və işlərin qarmaqarışıq bir hal almasıyla hərəkətli və gülməli bir macəra başlayacaqdır.
“CinemaPlus” kinoteatrlar şəbəkəsi hər zaman sizlərə xoş sürprizlər etmək və kino dünyasında olan ən son premyeralar ilə sevindirməyə hazırdır!
