Ötən gün Bakının Suraxanı rayonunda övladını girov götürərək onu öldürəcəyini bildirən və daha sonra polis tərəfindən zərərsizləşdirilən “Beton Xosrov” ləqəbili Xosrov Əhmədovla bağlı bəzi məqamlar bəlli olub. Pravda.az Baku Tv-yə istinadən xəbər verir ki, əvvəllər peşəkar ağırlıqqaldırma üzrə Azərbaycan çempionu olan və bir sıra beynəlxalq yarışlarda iştirak edən Xosrov Əhmədovun 3 qız övlad var imiş.
Bu barədə onun qonşuları məlumat verib. Bildiriblər ki, hadisə onların gözləri qarşısında baş verib. Bundan başqa, X. Əhmədov əvvəllər həyat yoldaşını tez-tez döyürmüş. Ötən gün isə o, 6 yaşlı qızının boğazına bıçaq çəkərək onu öldürəcəyini deyib.
