Milli Məclisin deputatı Sevinc Hüseynova Gədəbəy rayonu Samanlıq və Qoşabulaq kəndlərində seçicilərlə görüşüb.
Deputatın seçicilərlə görüşündə müraciətlər, əsasən, elektrik, qaz təchizatının yaxşılaşdırılması, səhiyyə, sosial, məşğulluq, əmlak və digər məsələlərlə bağlı olub.
Həmçinin deputat seçicilərlə görüş zamanı Samanlıq kəndində Uşaq-Gənclər İdman-Şahmat Məktəbinin şahmat məşqlərini də izləyib. Samanlıq dövlət siyasətinin qayğısı ilə əhatə olunan idmanın bu növü üzrə zəngin ənənəyə malik olan kənddir.
Bu kəndin yetirmələri rayon və respublika turnirlərində, çempionatlarda fərqlənərək müxtəlif mükafatlar əldə edib. Bu nailiyyətlərin əldə olunmasında məşqçi-müəllim Sabir Quliyevin əməyi böyükdür.
Gənclərin şahmat idman növünə böyük marağı, yeniyetmələr arasında onun təbliği, perspektivli şahmatçıların üzə çıxarılması olduqca önəmlidir.
