Ən çox onlar “like” yığıb – Damla birincidir

Ötən illərə nisbətən 2018-ci il şou-biznes nümayəndələri üçün məhsuldar bir il olub. Onlar arasında kimisi klipi, kimisi mahnısı, kimisi isə konsertləri ilə yadda qalıb. İl ərzində  incəsənət nümayəndələri dövrün tələblərinə uyğun olaraq bütün uğurlarını sosial şəbəkələrdə paylaşıb, konsert, klip və mahnılarını instaqramda reklam ediblər. Elə bu səbəbdən də yerli məşhurların instaqram paylaşım platformasında aktivliyi daha da artmağa başlayıb. 

Bəs, şou-nümayəndələri il ərzində neçə post paylaşıb və şəkillərinə nə qədər “like” gəlib? 

“Qafqazinfo” bestnine.com proqramı vasitəsi ilə məşhurların 2018-ci ildə ən çox bəyənilən 9 fotosunu, il ərzində bütün paylaşımlara nə qədər “like” gəldiyini müəyyənləşdirib.

İnstaqramda 1 milyon 400 min izləyicisi olan müğənni Damla siyahıda liderdir. O, il ərzində 650 post paylaşıb, 22 milyon 36 min 489 nəfərdən bəyəni toplayıb.

Azərbaycanın tanınmış əkizləri Sevil-Sevinc Səfərovanın instaqramda 1 milyon 800 min izləyicisi var. Onlar 2018-də 755 paylaşım ediblər, onların fotolarını 21 milyon 772 min 24 nəfər bəyənib.

ATV-nin simaları- Zaur və Günay Baxşəliyevlər ortaq işlətdiyi instaqram səhifəsində 877 paylaşım edilib.  Onların 1 milyon 400 minlik hesablarına gələn “like”lərin sayı isə 18 milyon 563 min 864 nəfərdir.

Aparıcı-prodüser Tarix Əliyev (Tolik) daha çox səhifəsində sosial problemləri qabardıb.  Onun 513 min izləyicisi olan səhifəsində il ərzində 1942 paylaşım olunub.  Prodüserin paylaşımları isə 11 milyon 61 min 319 nəfərdən “like” toplayıb.

Əməkdar artist Röya Ayxan 1 milyon 500 min izləyicisi olan instaqram səhifəsində il ərzində 391 post paylaşıb.  Röyanın bu fotolarını 8 milyon 435 min 296 nəfər bəyənib.

İnstaqramın aktiv istifadəçisi Günay İbrahimli  il ərzində 454 post paylaşıb. Onun 2018-dəki paylaşımlarını isə 5 milyon 789 min 346 nəfər bəyənib.

Müğənni Xatirə İslam da instaqramın aktiv istifadəçisidir. O, 1 milyon 200 minlik səhifəsində il ərzində 694 paylaşım edib. Xatirənin şəkillərini “like” edənlərin sayı isə 5 milyon 596 min 430 nəfərdir.

Müğənni Natavan Həbibi 2018-ci ildə 382 post paylaşıb, fotoları 3 milyon 291 min 450 nəfər tərəfindən bəyənilib. Bu arada qeyd edək ki, N. Həbibinin instaqramda 877 min izləyicisi var.

Xalq artisti Aygün Kazımova isə son zamanlar instaqramda çox aktivdir. İzləyici sayı 768 min nəfərə qədər qalxan sənətçi il ərzində 250 şəkil yayımlayıb.  Onun fotolarını isə 3 milyon 287 min 601 nəfər “like” edib.

Populyar ifaçı Zamiq Hüseynov sosial şəbəkədə 190 min istifadəçisi var və müğənni il ərzində 297 foto paylaşıb.  Onun bu şəkillərini isə 1 milyon 462 min 741 nəfər izləyib.

Növbəti məşhur isə meyxanaçı Pərviz Bülbülədir. Bu il daha çox populyar olan meyxana ifaçısı 208 şəkil paylaşıb.  Onun fotolarını isə 5 milyon 623 min 911 nəfər “like” edib.

Pərviz Bülbülə ilə oxuduğu duetlərlə məşhurlaşan sosial şəbəkə fenomeni Türkan Vəlizadə də bu il parlayan simalardandır. O, 2018-də 219 paylaşım edərək 5 milyon 853 min 902 nəfərdən bəyəni toplayıb.

Zaur Kamal da instaqramda aktiv olan aparıcılardandır. 765 min izləyicisi olan Zaur bu il 579 paylaşım edib. Onun şəkillərini 6 milyon 393 min 452 nəfər “like” edib.

Türkiyəyə köçən aktrisa Pərvin Abıyeva da bu il aktual olan məşhurlardandır. O, xüsusilə 2018-də fotoları ilə daha çox gündəmdə qalıb. Pərvin bu il 231 paylaşım edib, 6 milyon 486 min 43 “like” yığıb.

Bir neçə ildir ki, Moskvada yaşayan müğənni Rəqsanə İsmayılova da instaqramın aktiv istifadəçisidir.  O, bu il ərzində 932 paylaşım edərək 3 milyon 349 min 7 67 bəyənmə toplayıb.

Sosial şəbəkələr vasitəsi ilə populyar olan ifaçı Talıb Tale instaqramın elə də aktiv olmayan ifaçılarındır.  O, 162 paylaşım etsə də, 2 milyon 956 min 844 nəfər tərəfindən fotoları bəyənilib.

Növbəti məşhur isə Üzeyir Mehdizadədir. İnstaqramda olduqca populyar olan müğənni 2018-də 266 post paylaşıb, fotolarını 3 milyon 893 min 554 nəfər bəyənib.

Müğənni Şəbnəm Tovuzlunun da bu il instaqramda ulduzu parlayıb. 1 milyon min izləyicisi olan sənətçi 2018-də 1074 post yayımlayıb, 14 milyon 294 min 608 “like” yığıb.

Siyahıda növbəti tanınmış isə aparıcı Vüsalə Əlizadədir. İnstaqrama 1 milyon 200 min izləyicisi olan televiziya ulduzu bir il ərzində 324 post yayıb, fotolarını 7 milyon 275 min 335 nəfər “like” edib.