Aşıq Zülfiyyə həyat yoldaşının vaxtilə çox qısqanc olduğunu açıqlayıb.
“Yeni Gündəm” xəbər verir ki, bu barədə o, “Qonağım ol” verilişində danışıb: “Təzə evlənən vaxtlar müəyyən qısqanclıqları olurdu. Cavan oğlanlar, cavan qızlar gül gətirirdilər. Cavan oğlanlar gül gətirəndə deyirdi ki, görürsən ki, gül gətirən cavan oğlandır, səhnədən çıx da. Deyirdim ki, olmaz axı, ona hörmətsizlik olar, ayıbdır”, – deyə aşıq Zülfiyyə qeyd edib.
Sənətçinin sözlərinə görə, belə hallar çox olub: “Ya hansısa çəkilişdən, ya da hansısa konsert proqramından gələndə görürdüm ki, dinmir, danışmır, inciyib, küsüb. Deyirdi ki, sən ən azından o adam yaxınlaşanadək səhnədən çıxa bilərdin. O vaxt Dövlət Filarmoniyasında, Respublika Sarayında “Aşıq Pəri” məclislərində çıxış edirdik. Həmişə də gül gətirənlər olurdu. Ən çox onda söz-söhbətimiz olurdu. Sonra uşaq oldu, böyüdü. Özü də gördü ki, əldə olmayan şeylər var idi ki, onu da gərək qəbul edəsən”.
