Paytaxtımızda “Pakdad Baku” adlı yeni restoran fəaliyyətə başlayıb.
“Yeni Gündem”-in məlumatına görə, ötən gün baş tutan açılış mərasiminə sənət aləminin tanınmış simaları qatılıb.
Dadlı və maraqlı dizaynla təamların təqdim edildiyi gecənin təşkilatçısı azərbaycanın pop müğənnisi Roza Zərgərli olub. Mərasimin aparıcılığı Ruslan Ağayevə həvalə edilib.
Açılış mərasiminə özəl olaraq İstanbuldan təşrif buyuran Türkiyənin moda siması sayılan serb əsilli İvana Sert qonaqlar qarşısında çıxış edərək Roza ilə dost olduğunu dilə gətirdi:
“Roza ilə çox gözəl dostluq münasibəti qurduq. Onu bir insan kimi çox sevdim. Rozanın həm özünü, həm də işlərini uğurlu görürəm. Onu da vurğulayım ki, Roza ilə yaradıcı işbirliyimiz var. Sürprizlərə hazır olun”.
