Müğənni Kərim Abasovun ölkədən çıxışına qadağa qoyuıub. Axşam.az xəbər verir ki, sənətçi bu haqda “Günə bax” verilişində danışıb. O bildirib ki, bir müddət əvvəl toyda baş verən davaya görə, ölkədən çıxa bilmir:
“Hadisə ucbatından iki xarici səfərim alınmadı. Birini hava limanında bildim ki, “stop”um var. Digəri isə həmin hadisənin səhəri uçmalı idim, alınmadı”.
İfaçı daha sonra mübahisə zamanı zədələnən barmağının hələ də düzəlmədiyini söyləyib:
“Barmağım işləmir, hələ də müalicə gedir. İstintaq gedir. İnanıram ki, hər şey düzgün olacaq. İçkili insanların təhqiri və bu azmış kimi əllərinə dəmir götürüb üstümə hücum çəkmələri nə dərəcədə düzgündür bilmirəm. Polisə güvənirəm. İnanıram ki, ciddi araşdırılacaq. Hadisə baş verən zamanı şahidlərdə var idi.
Qarşı tərəf gedib xəstəxanadan saxta kağızlar alır”.
Qeyd edək ki, Kərim bu ilin sentyabrında toy məclislərinin birində döyülməsi xəbəri ilə gündəmə gəlib. Onun fonoqram oxuduğu üçün toyda olan qonaqlar tərəfindən döyüldüyü iddia olunub.
