Ötən gün Laçın-Xankəndi yolunda dinc aksiya keçirilən ərazidən Rusiya sülhməramlıları və Beynəlxalq Qırmızı Xaç Komitəsinə (BQXK) məxsus avtomobillər maneəsiz hərəkət edib.
“Yeni Gundem” xəbər verir ki, martın 29-da Xankəndidən Laçına və əks istiqamətdə sülhməramlılara məxsus 112 evakuasiya, təminat-təchizat və minik avtomobili maneəsiz keçib. Bundan əlavə, BQXK-yə məxsus 8 minik avtomobili səhər saatlarında Laçın istiqamətinə gedib. Günorta saatlarında isə həmin təşkilata məxsus avtomobillər Xankəndiyə qayıdıb. Beləliklə, ötən gün ümumilikdə 128 avtomobilin aksiya ərazisindən maneəsiz keçidi təmin edilib.
