Məşhur müğənni Xəyyam Nisanov xarici ölkələrdə məşhur olan həmkarlarını sərt dillə qınayıb.
“Yeni Gündəm” xəbər verir ki, müğənni Tovuz döyüşləri ilə bağlı fikirlərini ifadə etməyən, dəstəyini göstərməyən həmkarlarına sosial media hesabından səslənib.
“Mənim heç kəsdən qorxacaq yerim yoxdur. Nə ermənilərdən, nə başqalarından. Çünki mən Azərbaycan Respublikasının vətəndaşıyam və bununla hər zaman fəxr etmişəm. Bütün dünyada bacardığım qədər ölkəmi təbliğ edirəm. Amma çox heyif ki, mənim Rusiyada və dünyada tanınmış azərbaycanlı həmkarlarım bu gün susublar və heç bir paylaşım etmirlər. Niyə? Kimdən qorxursunuz, çəkinirsiniz?
Mən də 20 ildir ki, Rusiyanın paytaxtında işləyirəm. Ermənilərlə üz-üzə gəlirəm. Amma heç vaxt mövqeyimi dəyişmirəm!”, – Nisanov bildirib.
Onun paylaşımına 25 minə yaxın reaksiya gəlib.
Zümrüd
