Rusiya Həndbol Federasiyası Tamerlan Musayevi mərc etdiyinə görə diskvalifikasiya edib.
Ötən mövsüm idmançı “SSAU-Saratov” komandasında çıxış edib.
“Biz bu cür davranışı qətiyyətlə pisləyirik və idmanımızda şəffaflığın tərəfdarıyıq. Bu cür hərəkət təkcə ədalətli oyun prinsiplərini pozmur, həm də Rusiya həndbolunun və ümumilikdə Rusiya idmanının imicinə xələl gətirir. Təəssüf ki, əvvəllər Rusiya gənclər komandasının bir neçə oyunçusunun iştirak etdiyi oxşar hekayə ilə qarşılaşmalı olduq.
Bu epizod aşkar və ibrətamiz oldu, amma görünür, hamı üçün deyil. Vurğulamaq istərdim ki, gələcəkdə oyunçular tərəfindən yarışların bütövlüyünə kölgə sala biləcək hər hansı şübhəli hərəkətləri diqqətlə izləməyi planlaşdırırıq. Biz dərhal onlara ən ciddi şəkildə cavab verəcəyik”, – FGR Ali Şurasının sədri Sergey Şişkarev bildirib.
Federasiyanın mətbuat xidmətindən verilən məlumata görə, Musayev 2024-cü il dekabrın 31-dək diskvalifikasiya olunub./Publika.az
