Naxçıvan Dövlət Universitetinin İncəsənət fakültəsində COP29-a həsr olunmuş möhtəşəm konsert proqramı təşkil edilib. Tədbirdə NDU-nun rektoru Elbrus İsayev, universitetin rəhbər heyəti, müəllim və tələbələr iştirak ediblər.
Konsertin repertuarına Q.Qarayev-“Alban rapsodiyasından” “Andanito”, “İnsan məskən salır”, Pyotr Çaykovski-“Qu gölü baleti”, Qabriel Faure, Andreas Romdheyn- “Pavana”, “İsabel”, N.Rota-“Xaç atası” filmindən “Sevgi mövzusu”, Karlos Qardel-Tanqo, Fəridə Ağayeva-“Ümid ver”, “Payız”, “Sənsiz”, Jan Reverberri-“Odissea Veneçiano”, Bill Üithers-“Just the two of us”, Alan Menken-“Arabian nights”, Daniil Kramer-Yelləncəklər, Ernesto Lekuona-“Malakuena” və digər ifalar tamaşaçıların zövqünü oxşayıb.
Qeyd edək ki, konsertin bədii rəhbəri Naxçıvan Dövlət Universitetin “Fortepiano” kafedrasının baş müəllimi Fəridə Ağayevadır.
