Repetitorluq məsələsi dəfələrlə müzakirə olunub.
“Yeni Gundem” xəbər verir ki, bunu elm və təhsil naziri Emin Əmrullayev media üçün keçirilən brifinqdə deyib.
Onun sözlərinə görə, repetitorluq dünyanın hər yerində var, irəli sistemli təhsili olan ölkələrdə də var:
“Valideyn uşağına əlavə saat alırsa, bunu edə bilər. Repetitorluq imtahan sistemimizlə bağlıdır. Çünki bizdə imtahan rəqabətə bağlıdır. Deyilir ki, təhsildə keyfiyyət yoxdur, ona görə uşaq repretitor yanına gedir. Bir tərəfdən də deyilir ki, qəbul imtahanının nəticələri aşağıdır. Hamı repetitor yanına gedirsə, qəbul imtahanının nəticələrinin aşağı olmanın səbəbi də repetitordu. Yaxşı nəticə olanda bu, repetitorun olur, pis nəticə olanda isə təhsil sisteminin? Bu nə qədər məntiqli arqumentdir? Bu, ziddiyyətli məsələdir. Demək ki, zəif uşağa repetitor da kömək edə bilmir”.
