“Oba market” MMC-yə inzibati protokol yazılıb.
“Yeni Gundem”-in xəbərinə görə, protokol müvafiq qurum tərəfindən İnzibati Xətalar Məcəlləsinin 447.0.1-ci (mal satan və ya əhaliyə xidmət göstərən şəxslər tərəfindən malın (xidmətin) ölçüsünə, çəkisinə, hesabına, habelə istehlak xüsusiyyətinə və ya keyfiyyətinə dair istehlakçıların az miqdarda aldadılmasına görə fiziki şəxslər üç yüz əlli manatdan beş yüz manatadək məbləğdə, vəzifəli şəxslər min beş yüz manatdan iki min manatadək məbləğdə, hüquqi şəxslər dörd min manatdan altı min manatadək məbləğdə cərimə edilir) maddəsinə əsasən tərtib olunub.
İş Sabunçu Rayon Məhkəməsinin hakimi Nigar İmanovanın icraatındadır.
Qeyd edək ki, “OBA”nın qanuni təmsilçisi Natəvan İbrahimovadır. Şirkət Aydın Talıbovun qanuni təmsilçisi olduğu “Veysəloğlu qrup” MMC-yə daxildir.
