Bəşər Əsədin Suriya Prezidenti postunu tərk etməsi onun şəxsi qərarı olub.
Bunu Kremlin mətbuat katibi Dmitri Peskov bildirib.
Onun sözlərinə görə, Əsədin gedişindən sonra Yaxın Şərqdəki vəziyyətin təhlili vacibdir. “Qeyri-müəyyənlik dövründən sonra nə olacağını proqnozlaşdırmaq çətindir” – deyə Kremlin rəsmi nümayəndəsi vurğulayıb.
Peskov Əsədin Suriya Prezidenti postundan getməsindən sonra Rusiyanın Yaxın Şərqdə hərbi təsirini itirməsi riskinin olub-olmaması sualına isə belə cavab verib: “Kreml Suriyadakı vəziyyətin necə inkişaf edəcəyini hələ də proqnozlaşdırmaqda çətinlik çəkir, lakin Yaxın Şərq ölkələri ilə əməkdaşlığı davam etdirmək niyyətindəyik”.
