“Mənim çox toppuş və “Baby face” kişilərdən xoşum gəlir. Elə kişilər üçün ürəyim gedir. Hətta az-maz qarını da olsun”.
“Yeni Gündəm” xəbər verir ki, bunu sonxeber.az-a açıqlamasında gənc müğənni Mina Hüseyn bildirib. Müğənni həm xarici görünüşcə xoşladığı, həm də xaraktercə xəyalında təsvir etdiyi kişi obrazını detalına qədər təsvir edib:
“Ümumiyyətlə kişinin çox gözəl olması insanı soyudur. Əsas odur ki, onun kişi görünüşü olsun. Boy məsələsində kompleksim var. Mənim boyum elə də hündür deyil, 1.60 sm -dir. İstədiyim kişinin gərək boyu boyuma uyğun ola. Xaraktercə ciddi kişilərdən xoşum gəlir”.
Qısqanc kişilərdən xoşu gəldiyini deyən Mina yalnız elə tip kişinin onun kimi şıltaq birini ram edəcəyini də xüsusi vurğulayıb. Həyatında elə tip kişi olduğunu bildirən Mina özünün xasiyyətindəki qərarsızlığa görə onunla yollarını ayırdığını da açıqlayıb:
“Qısqanclıq mənim xoşuma gəlir. Çünki mən elə şıltaq təbiətli biriyəm ki, məni ancaq nəyisə etməmək üçün “yumruqla” dayandıra bilərlər. Elə bir insan olsun ki, məni idarə etsin”
