Azərbaycanda təhsil tələbə kreditləri ilə bağlı yeniliklər olacaq.
Təhsil Tələbə Kredit Fondunun maliyyə şöbəsinin müdiri Tehranağa Abdullayev bildirib ki, qiyabi təhsil alanlara da təhsil krediti verilə bilər.
Şöbə müdiri deyib ki, təhsil tələbə kreditlərinin verilməsi barədə əlavələr edilməsi məqsədilə Təhsil Tələbə Kredit Fondunun idarəetmə orqanı olan Himayəçilik Şurasının iclasında təklif irəli sürüləcək.
Şöbə müdiri 2022-2023-cü tədris ili üzrə müraciətlərin qəbuluna başlanıldığına da diqqət çəkib.
Xatırladaq ki, 2021-ci ilin oktyabr ayından təhsil tələbə kreditlərinin verilməsinə başlanılıb.
