“Balakhani Operating Company LTD” şirkətinin Azərbaycandakı filialının keçmiş prezidenti Walker James Alan və həmin şirkət arasında məhkəmə çəkişməsi davam edir.
Pravda.az-ın xəbərinə görə, işə Yasamal Rayon Məhkəməsinin hakimi Aydan Oruclunun sədrliyi ilə növbəti dəfə fevralın 10-da baxılacaq.
Mübahisənin mahiyyəti işə bərpa və əmək haqqı tələbidir.
Şirkətin İctimaiyyətlə Əlaqələr şöbəsinin yaydığı məlumatda bildirilir ki, Kanada vətəndaşı Ceyms Alan Volker 2023-cü ilin 16 yanvar tarixindən etibarən Azərbaycan Respublikasının əmək qanunvericiliyinin müvafiq tələblərinə əsasən “Balakhani Operating Company LTD” şirkətində çalışıb, ölkədə müvəqqəti yaşayış icazəsi əsasında qalan əməkdaşın əmək müqaviləsinə 2023-cü ilin 01 dekabr tarixində müqavilə müddətinin bitdiyinə görə xitam verilib.
Göründüyü kimi, məsələnin konkret səbəbini açıqlamayıblar.
Qeyd: 2011-ci ildə dövlət qeydiyyatına alınan “Balakhani Operating Company LTD”nin hazırki qanuni təmsilçisi Rövşən Cəlil oğlu Rzayevdir.
