Əməkdar artist Röya Ayxanın martın 20-də Moskvanın “Dream City” restoranında keçirilməsi planlaşdırılan “Novruz Bayram” adlanan konserti baş tutub.
“Yeni Gündəm”-ın məlumatına görə, “Morafu Group”un ərsəyə gətirdiyi konsertdə müğənni bir-birindən sevilən hitlərini səsləndirib.
Müğənni Xəyyam Nisanov gecənin xüsusi qonağı olub. Röyanı tək qoymayan duet ortağı səhnəyə çıxaraq onunla birlikdə oxuduğu mahnını səsləndirib. Bu günə qədər sözügedən səhnədə “Reflex” qrupu, “Hı Fı” qrupu, Katya Lel kimi rusiyanın məşhurları konsert proqramı ilə çıxış edib. Röya bu prestijli məkanına dəvət alan ilk azərbaycanlı sənətçidir.
Röya Rusiyadakı uğurlu çıxışından sonra Səudiyyə Ərəbistanına yola düşəcək. Röyanın səfərinin məqsədi martın 22-də Dubayda konsert verməkdir. Sənətçini səhnədə Muxtar Abseynovun rəhbərlik etdiyi musiqi ansambılı müşaiyət edəcək.
