Qızım şou-biznesi sevmir, heç mənə də qulaq asmır.
Bunu ARB TV-nin “Hüseynova bacıları” verilişinin qonağı olan müğənni Şəbnəm Tovuzlu deyib.
Sənətçi qolundakı döymənin mənasını açıqladı:
“Həyat yoldaşımın baş hərfidir, ürək döyüntümüz və oğlumun bürcüdür, balıq”.
Daha sonra ifaçı qızından söhbət açıb:
“Qızım da mənim həyatımdır. 18 yaşı var. Günel axırıncı imtahanları verdi, memarlığa hazırlaşır. Şou-biznesi sevmir, heç mənə də qulaq asmır. Bu aləmə həvəsi olmamaqda düz edir. Əslində biz sənətimizi sevirik, demirəm pis sənətdir. Sadəcə kənardan iyrənc təqdim edənlər olmasa çox gözəldir. Qızımı da ona görə qoymaram ki, bu sənətin əziyyətini, yaxşısını, pisini görürəm. Bu gün bir ana kimi ona təhsil verməyə, gözəl ailə bəxş etməyə imkanım varsa niyə də oxusun…”
