Yanlış məlumatlar süni gözəllik standartlarının yaranmasına səbəb olur.
Bunu səhiyyə naziri Teymur Musayev jurnalistlərin suallarını cavablandırarkən deyib.
“Media nümayəndələri burdadır deyə fürsətdən istifadə edib bir çağırış etmək istəyirəm. Gəlin, öz xalqımızı gözəllik anlayışı məsələsində maarifləndirək. Gözəllik anlayışı nədir, onun tarixinə baxaq, gözəllik standartlarının müəyyənləşdirilməsində milli xüsusiyyətlərimizi nəzərə alaq”, – nazir qeyd edib.
Teymur Musayev bu məsələ ilə bağlı Səhiyyə Nazirliyinin Mədəniyyət Nazirliyindən dəstək görəcəyinə ümid etdiyini vurğulayıb.
“Yanlış məlumatlar süni gözəllik standartlarının yaranmasına səbəb olur.
Maarifləndirmə uşaq yaşından başlayır. Oyuncaqlardan başlamaq lazımdır. Tələb təklif doğurur, tələbi elə formalaşdırmalıyıq ki, insan öz xarici görünüşünü problem edib zərərli əməliyyatlara üz tutmasın”.
APA
