Qanunsuz erməni silahlı birləşmələri Rusiya sülhməramlı kontingentinin müvəqqəti yerləşdiyi Azərbaycan ərazisində qanunsuz fəaliyyətlərini davam etdirir.
“Yeni Gundem” xəbər verir ki, bu sözlər Müdafiə Nazirliyinin yaydığı məlumatda yazılır.
“Xankəndi-Xəlfəli-Turşsu yolunun şimalına yeni Xankəndi-Kyosalar-Mirzyalar-Turşsu yolunun çəkilişi faktı aşkar edilərək, qanunsuz silahlı şəxslərin döyüş mövqelərinə hərbi daşınmaların aparılması məqsədilə mühəndis və xüsusi texnika cəlb olunub. Erməni silahlı birləşmələri.
Ermənistan tərəfinin Azərbaycanın Qarabağ iqtisadi rayonunda həyata keçirdiyi qeyri-qanuni fəaliyyət üçtərəfli bəyanatın müddəalarının kobud şəkildə pozulması, habelə sülhməramlı kontingentin üzərinə götürdüyü öhdəlikləri yerinə yetirməməsi ölkədə gərginliyin artmasına zəmin yaradır.
Bildiririk ki, bu cür təxribatlar və qanunsuz hərəkətlər nəticəsində baş verə biləcək itkilərə görə bütün məsuliyyət rəsmi İrəvanın hərbi-siyasi rəhbərliyinin üzərinə düşür”.
