Vüqar Əhməd: “Şükür Allah, hifz eləyir”
Qardaşım var, sirdaşım yox,
Ölmüşəm mən, başdaşım yox,
Ehsanımda bozbaşım yox,
Şükür Allah, hifz eləyir.
Arzum yetmir, mən sevinim,
Çin olarsa çox öyünüm,
Əl- əlvan libas geyinim,
Şükür Allah ,hifz eləyir.
Bilməm ölü, ya diriyəm,
Bəxtsizlərin mən biriyəm,
Təbrizdəki El gölüyəm,
Şükür Allah, hifz eləyir.
Doğum yerim başa bəla,
Salır məni haldan- hala,
Qalmışıq biz daldan- dala,
Şükür Allah, hifz eləyir.
Salaməleyk təmənnalı,
Millət sevir qalmaalı,
Məmurların yox amalı,
Şükür Allah, hifz eləyir.
“Asan xidmət”,” Asan sima”,
Açılsa da yoxdur sima,
Açıl dedim mən “simsim”ə,
Şükür Allah, hifz eləyir.
Kim çəkirsə çoxlu zəhmət,
Heç vaxt görmür dəyər, qiymət,
Bir dərvişdi Vüqar,Əhməd,
Şükür Allah hifz eləyir.
3.02.2025 saat 23.06
