Noyabrın 24-də Sumqayıt Paralimpiya İdman Kompleksində IV “SENİ CUP” turniri keçirilib. 2013-cü ildən boccia idman növünün təbliği məqsədilə keçirilən turnir Milli Paralimpiya Komitəsi və SENİ firmasının birgə təşkilatçılığı əsasında reallaşıb. Builki “SENI CUP” turnirində 17 rayon və şəhərdən 18-30 yaş arasında olan, ümumilikdə, 70-dən çox idmançı mübarizə aparıb. Turnirin açılış mərasimində Milli Paralimpiya Komitəsinin prezidenti İlqar Rəhimov, birinci vitse–prezident Natiq Qasımov, deputat Sona Əliyeva, Əmək və Əhalinin Sosial Müdafiəsi Nazirliyinin, Gənclər və İdman Nazirliyinin nümayəndələri, həmçinin digər dövlət qurumlarının əməkdaşları və idmançılar iştirak ediblər. Bildirilib ki, boccia mənşəyi İtaliyadan gələn bir idman oyunudur. 1984-cü ildə paralimpiya idman oyunlarına daxil edilib və 32 il ərzində 50 ölkəyə yayılıb. Azərbaycan Respublikası Milli Paralimpiya Komitəsi artıq 4 ildir ki, boccia idman növünün təbliğinə başlayıb. Boccia fərdlər, cütlər və ya üç komanda tərəfindən ifa edilə bilər. Artıq ölkəmizdə kifayət qədər məşhurlaşan bu idman növünə maraq gündən-günə artmaqdadır. Azərbaycan idmanı üçün yenilik olan bu idman növündə bütün ağır kateqoriyalı əlillik dərəcəsi olan uşaqlar, gənclər və hətta yaşlılar da güclərini sınaya bilərlər. Maraqlı mübarizə şəraitində keçən turnirin yekununda qaliblər mükafatlandırılıb.
Turnirdə beş kateqoriya üzrə gücünü sınayanlar arasında
BC1 kateqoriyasında
Quliyeva Mətanət-Bürünc
Həsənova Nigarxanım-Gümüş
Könül Quliyeva-Qızıl medal
BC2 kateqoriyasında
Bayramov Rüfət-Bürünc medal
Quliyev Rüstəm-Gümüş
Sona Ağayeva -Qızıl medal
BC3 kateqoriyasında
Hüseynov Qafqaz-Bürünc medal
Gümüş medal Rəhmanov Əmrah
Hacılı Emin-Qızıl medal
BC4 kateqoriaysında
Məhərrəmov Yusif-Bürünc medal
İslamov Xəyal-Gümüş medal
Bəhruz Mirzəyev-Qızıl medal
BC5 kateqoriyasında
Əliyev Ramid-Bürünc medal
Hüseynov Asim-Gümüş medal
Hüseynov İlkin-Qızıl medal
Yarışda ilk üçlükdə qərarlaşan idmançılara kuboklar, diplomlar və medallar təqdim edilib.
Təbriz Məhərrəmoğlu
