“Mənim Vətən müharibəsindən öncə “Azərbaycan” adlı mahnım var idi. Onu Qarabağa və şəhidlərə həsr etmişdik”.
Bu sözləri açıqlamasında məşhur müğənni Tərlan Novxanı deyib.
O, müharibə dönəmində də Qarabağa həsr olunan mahnılar yazdığını xatırladıb:
“Həmin dönəmdə də hərbçilərimiz, əsgərlərimiz üçün döyüş ruhiyyəli mahnılar yazdıq. İnşallah Şuşa, Xankəndi, Laçın, ümumi Qarabağ barəsində də yeni mahnı nəzərdə tuturam. Allah nəsib edərsə, yaxın zamanlarda olar”.
“Dövlət xətti ilə Qarabağda konsert versəm daha çox sevinərəm. Allahın izni ilə yaxın gələcəkdə onu da həyata keçirərik. Əslində, hələ Qarabağda çox işlər var, öncə onlar tamamlanmalıdır. Daha sonra isə orada konsert proqramı nəzərdə tutmalıyıq.
Həmçinin, Qarabağda klip də çəkdirməyi düşünürəm. Yaxın gələcəkdə bu hədəflərimi reallaşdırmaq istəyirəm”.Hit.az
