Bu gün Aprel döyüşlərinin qəhrəmanı, leytenant Qabil Orucəliyevin ocağını ziyarət etdik.
Anası Nuriyə xanım, bacısı və qardaşı İsa ilə şəhidimizi xatırladıq.
#ŞəhidQabilOrucəliyev 1991-ci il 15 sentyabr tarixində Naxçıvan şəhərində anadan olub.
Leytenant Qabil Orucəliyev 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid oldu.
Aprelin 11-i isə Qabil Orucəliyev doğulduğu Naxçıvan şəhərində son mənzilə yola salındı.
Qabil Orucəliyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə “Hərbi xidmətdə fərqlənməyə görə” III dərəcəli medalı ilə təltif edildi.
Qəhrəmanımızın ruhu şad, məkanı cənnət olsun!
Allah bütün şəhidlərimizə rəhmət eləsin!
