Universal döyüşçülərimiz və samboçularımız təlim-məşq toplanışlarına start verib.
Bir çox mötəbər yarışlardan qızıl medalla qayıdan universal döyüşçülərin və samboçuların tez-tez ölkəmizin bayrağını zirvələrə qaldıraraq hər birimizi sevindirirlər.Artıq azyaşlı uşaqları da universal və sambo zallarında görmək sevindirici haldır.Universal və sambo idmanı üzrə yığma komandanı yaxın günlərdə ağır sınaq gözləyir.
Bakı şəhərində keçiriləcək Respublika çempionatına hazırlaşan idmançılar fiziki məşqlərlə yarış potensialını daha da artıraraq yarışa tam heyətlə qatılacaqlar.
Beynəlxalq arenada öz sözünü demiş idmançımız Nicat Əliyev də 80 kq çəki dərəcəsində çempionatdan qızıl medalla qayıtmağa iddialıdır.
Ölkəmizi 62 kq çəki dərəcəsində təmsil edəcək Cavidan Qarayev yarışa ən yaxşı hazırlaşan samboçulardan biridir.
Bununla əlaqədar olaraq, idmançılarımız çətin məşq proseslərində məsuliyyətlə iştirak edirlər.
Biz də “Yenigundem” kollektivi olaraq idmançılarımıza növbəti yarışlarda uğurlar arzulayırıq.
