Dövlət Sərhəd Xidmətinin (DSX) Vətən müharibəsinin iştirakçısı olmuş müddətli həqiqi hərbi xidmət hərbi qulluqçularının Silahlı Qüvvələrin ehtiyatına buraxılması münasibətilə “Horadiz” sərhəd dəstəsində tədbir keçirilib.
Bu barədə “Yeni Gündəm”-ə DSX-nin Mətbuat Mərkəzindən məlumat verilib.
Tədbir çərçivəsində Vətən müharibəsində şücaət və qəhrəmanlıq göstərərək torpaqlarımızın azad olunmasında fərqləndiklərinə görə Azərbaycan Prezidenti, Silahlı Qüvvələrin Ali Baş Komandanı İlham Əliyev tərəfindən təltif edilmiş sərhədçilərə medallar təqdim olunub.
