Taylandda havanın çirklənməsi ilə bağlı xəstəliklərin sayının 2023-cü ildə 10,5 milyon olacağı açıqlanıb. Dünya Bankının 2021-ci il məlumatlarına görə, ölkə əhalisi 71,6 milyon nəfərdir.
Taylandın Milli İqtisadi və Sosial İnkişaf Şurası (NESDC) 2023-cü ilin 4-cü rübü üçün ümumi sosial inkişaf hesabatında təkcə 2023-cü ildə 10,5 milyon insanın havanın çirklənməsi ilə bağlı xəstəliklərdən əziyyət çəkdiyini açıqlayıb. 2022-ci ildə 79 min 374 olan qripə yoluxma sayı, pandemiyanın bitdiyi 2023-cü ildə 478 min 175 olaraq qeyd edilib.
“2023-cü ilin dördüncü rübündə müşahidə xəstəlikləri nəticəsində yaranan hallar 170,0 faiz artıb. Bu artım əsasən hava şəraitinin sürətli dəyişməsi və əvvəlki rübdə davam edən epidemiya nəticəsində ötən ilin müvafiq dövrü ilə müqayisədə 6 dəfə artmış qrip xəstələri hesabına olub. 2023-cü ildə müşahidə olunan xəstəlik halları 2022-ci illə müqayisədə 116,7 faiz artıb.
Gələcəkdə həll edilməli olan məsələlərə psixiatrik xəstələr arasında zorakılığın monitorinqi, Taylandlı qadınlar arasında ən çox görülən xərçəng olaraq qalan döş xərçəngi və PM 2.5-in (ağciyərlərdən qana daxil olan 2,5 mikrometr diametrli mikroçirkləndiricilər) təsiri daxildir. 2023-cü ilə qədər milyonlarla çirklənmə ilə əlaqəli xəstəlik halları ictimai sağlamlığa təsir göstərmişdi”.
Mənbə: Ahaber
Aynur Camal
