Hər bir detal dəhşətlidir… 2 uşağı 15-ci mərtəbədən ataraq öldürdülər! Həmin cütlük edam edildi
Çində 2 yaşlı qız və 1 yaşlı oğlan uşağı 15-ci mərtəbədən ataraq öldürən ata və onun münasibətdə olduğu qadına ölüm hökmü çıxarılıb.
İhlas Xəbər Agentliyinin əldə etdiyi məlumata görə, 2 noyabr 2020-ci ildə Çinin Çonqinq şəhərində Zhang Bo münasibətdə olduğu Ye Çençenlə birlikdə 2 yaşlı qız və 1 yaşlı uşağı evinin pəncərəsindən ataraq öldürüb və məhkəmə prosesindən sonra ikili “qəsdən adam öldürmə” ittihamı ilə edam cəzasına məhkum edilib.
Chongqing Ali Xalq Məhkəməsinin 11 may 2023-cü il tarixində açıqladığı əsaslandırılmış qərarda, Zhang Bo-nun evli olduğu müddətdə Ye ilə ailə vəziyyəti barədə məlumat vermədən “uyğun olmayan” münasibət qurduğu, lakin bu vəziyyəti öyrəndikdən sonra Ye-nin münasibətləri dayandırmadığı bildirilmişdi.
Bildirilib ki, çinli kişi 2020-ci ilin fevral ayında həyat yoldaşından boşandıqdan sonra Ye iki uşağı cütlüyün evliliyinə “ən böyük maneə” kimi görüb və dəfələrlə Zhangi uşaqları öldürməklə hədələyib.
BUNU QƏZA KİMİ GÖRÜNTÜLƏMƏYƏ ÇALIŞIBLAR
Qeyd olunub ki, 2020-ci il noyabrın 2-də cütlük iki uşağı Zhang-ın 15-ci mərtəbədəki evinin pəncərəsindən ataraq öldürüb və hadisəni “qəza kimi” göstərməyə çalışıb. İki təqsirləndirilən şəxsin əməllərinin “qanun və əxlaqın qırmızı xətlərinə meydan oxuduğu, cəmiyyətin vicdanını tapdaladığı” vurğulanıb.
İkiliyə verilən edam cəzasının ötən yanvarın 31-də Chongqing 5 saylı Ara Xalq Məhkəməsi tərəfindən icra edildiyi açıqlanıb. Uşaqların anası Çen Meilin verdiyi açıqlamada “3 ildən artıqdır ki, ailəmizə işgəncə verən kabus nəhayət sona çatdı” deyib.
Edam xəbəri sosial şəbəkələrdə ən çox müzakirə edilənlərdən birinə çevrilib və ölüm hökmünü dəstəkləyən yazılar olub. Edam üsulu ilə bağlı heç bir məlumat verilməsə də, ölkədə daha çox öldürücü iynə və ya güllələnmə üsulundan istifadə edilir.
Mənbə: TGRT
Aynur Camal
