Avropa İttifaqı (Aİ) tərəfindən maliyyələşdirilən Kopernik İqlim Dəyişikliyi Xidməti (C3S) 2023-cü ilin ən isti il ola biləcəyini açıqlayıb.
“Yeni Gundem” xəbər verir ki, C3S öz saytında dərc olunan hesabatda 2023-cü il üçün temperatur məlumatlarını paylaşıb.
Hesabatda qeyd olunub ki, dünya üzrə orta temperatur göstəriciləri baxımından 2023-cü ildə temperatur daha əvvəl ən isti il kimi qeydə alınan 2016-cı ildən 0,10 dərəcə yüksəkdir.
Hesabatda bu ilki orta temperaturun sənaye inqilabından əvvəlki orta göstəricidən 1,43 dərəcə yüksək olduğu və 2023-cü ilin indiyə qədər qeydə alınmış ən isti il ola biləcəyi ifadə edilib.
Hesabatda bu ilin oktyabr ayında dünya üzrə orta temperaturun 15,3 dərəcə Selsi ilə rekord qırdığı bildirilib.
Hesabatda 2023-cü ilin oktyabrında qeydə alınan temperaturun 1991-2020-ci illərdəki orta temperaturdan 0,85 dərəcə yüksək olduğu və əvvəlki ən isti oktyabrın yaşandığı 2019-cu ilin orta göstəricisindən 0,40 dərəcə yüksək olduğu bildirilib.
Hesabatda, Antarktidada oktyabr ayında ölçülən dəniz buzunun həcminin orta səviyyədən 11 faiz aşağı qaldığı, bunun da ardıcıl altıncı aydır ki, ilin bu vaxtı üçün rekord aşağı səviyyədə olduğu bildirilir.
C3S direktor müavini Samantha Burgess, “2023-cü ilin rekordların ən isti ili olacağını demək olar ki, əminliklə söyləyə bilərik. Birləşmiş Millətlər Təşkilatının (BMT) İqlim Dəyişikliyi üzrə Çərçivə Konvensiyasına (COP28) Tərəflərin 28-ci Konfransından əvvəl iqlim üçün ciddi tədbirlər görülməlidir” – deyib.
Mənbə:TrtHaber
Aynur Camal
