Henley & Partners beynəlxalq konsaltinq şirkəti bildirib ki, altı ölkə, o cümlədən dörd Avropa və iki Asiya ən güclü pasportlara sahib olub.
Şirkət altı ölkəni – Fransa, Almaniya, İtaliya, Yaponiya, Sinqapur və İspaniyanı ən güclü pasportlara malik ölkələr kimi müəyyən edən yeni reytinq dərc edib.
Bu ölkələrin rezidentlərinin təhlil edilən 227 ölkə və ərazidən 194-ə vizasız girişi var.
İkinci yerdə 193 vizasız ölkə ilə Finlandiya, Cənubi Koreya və İsveç qərarlaşıb. Ən güclü pasportlara malik ilk üç ölkəyə Avstriya, Danimarka, İrlandiya və Hollandiya da daxildir.
Reytinqdə Rusiya 51-ci yeri tutub, onun sakinləri ilk öncə viza almadan 119 istiqamətə səyahət edə bilərlər. Ötən il Rusiya bu reytinqdə 49-cu yeri tutmuşdu, onun vətəndaşları 115 ölkəyə vizasız gedə bilərdi.
Sonuncu, reytinqdə 104-cü yeri Əfqanıstan tutur. Onun vətəndaşları yalnız 28 ölkəyə vizasız səyahət edə bilər.
Mənbə: mail.ru
Aynur Camal
