İşğal altındakı Şərqi Qüdsdəki Məscidül-Əqsa ətrafında məhdudiyyətləri davam etdirən İsrail polisi bu həftə Əqsada cümə namazı qılmaq istəyən fələstinlilərin qarşısını alıb.
İsrail qüvvələri Qüdsün Əl-Əqsa məscidinin yerləşdiyi Köhnə Şəhərdə küçələri dəmir baryerlərlə bağlayaraq səhər saatlarından etibarən fələstinli gənclərin, hətta bəzən yaşlı fələstinlilərin də əl-Əqsaya daxil olmasına icazə verməyib.
Normalda cümə günləri 100-150 min nəfərin növbəyə düzüldüyü Məscidül-Əqsada oktyabrın 7-dən sonra 8 həftədir rast gəlinən vəziyyət bu həftə də təkrarlanıb və İsrailin təxribatı səbəbindən orada yalnız 5 minə yaxın müsəlman namaz qıla bilib. maneə.
İsrail qüvvələri Köhnə Şəhər bölgəsində dəmir baryerlərlə qurulan keçid məntəqələrində şəxsiyyət yoxlaması apararaq çoxlu sayda fələstinlini geri göndərib.
İsrail qüvvələri vaxtaşırı müdaxilə edərək, Məscidül-Əqsaya daxil olmaq istəyən fələstinli gənclərə kobudluq edib.
Cümə namazı üçün Əqsaya buraxılmayan fələstinlilər namazlarını Hərəmi-Şərif ətrafında qılıblar. Yüzlərlə fələstinli Əl-Əqsa yaxınlığındakı Ra’s əl-Amud və Vadi əl-Cövz məhəllələrində Məscidül-Əqsaya baxan səkilərdə düzülüb.
Mənbə: TrtHaber
Aynur Camal
